'Магия Божественного Света' на Французском Сделать страничку "Магия Божественного Света" стартовой Добавить сайт "Магия Божественного Света" в Избранное
Главная Наша помощь Наш коллектив

Акафист


святым мученикам и исповедникам Гурию, Самону и Авиву


Житие святых

Тропарь, глас 5


Чудеса святых Твоих мученик стену необоримую нам даровавый, Христе Боже, тех молитвами советы языков разори, яко един Благ и Человеколюбец.


АКАФИСТ


 Кондак 1


Избраннии чудотворцы Христовы и святыя веры исповедницы, Гурие, Самоне и Авиве добронравнии и, память вашу чтущи песньми похвальными, воспеваем яко христиан заступников, страждущих покровителей. Вы же, имуще дерзновение ко Господу, от всяких бед и напастей свободите нас, верою и любовию зовущих:

Радуйся, Гурие, Самоне и Авиве, страстотерпцы Христовы и обидимых покровителие.


Икос 1


Ангелы во плоти, Троице Святей равночисленнии, любовию к Богу горяще идолы попрасте, веру Христову укреписте, Троицу Святую прослависте, темже убо похваляюще подвиги ваша, глаголем вам сице:

Радуйся, светильники благочестия;

Радуйся, обличителие нечестия.

Радуйся, утверждения веры Христовой;

Радуйся, столпы Церкве Божия.

Радуйся, верных надеждо и заступление;

Радуйся, неверных страх и посрамление.

Радуйся, Гурие, Самоне и Авиве, страстотерпцы Христовы и обидимых покровителие.


Кондак 2


Видя нечестие людей града Едесса, святии Гурий и Самон в пустыню удалишися, бегая князя мира сего и соблазнов и усердно служаще Богу, день и ночь воспеваху: Аллилуиа.


Икос 2


Разум премудр имея, святии мученицы, выну трудишася во славу Божию, языческое нечестие обличая, ищущия истины на путь правый наставляя и мнози неверныя к Богу истинному привлекоша, сего ради глаголем вам сице:

Радуйся, насадителие истиннаго богопочитания;

Радуйся, искоренителие демонскаго служения.

Радуйся, тьмы нечестия обличителие;

Радуйся, идольския прелести низложителие.

Радуйся, исповедницы Христовы изряднии;

Радуйся, светила веры православней.

Радуйся, Гурие, Самоне и Авиве, страстотерпцы Христовы и обидимых покровителие.


Кондак 3


Силою свыше осененнии святии мученицы, гонителей святой веры неустрашишася, веления нечестиваго Антониана небрегоша и веру Христову велегласно прославиша, темже и в темницу ввержени пояху Богу: Аллилуиа.


Икос 3


Имея веру во Христа адаманта твердейшую и силою тоя вооружившиися, мужественно претерпели есте, святии мученицы, темничныя узы и самую смерть, сего ради похваляюще таковое мужество, ублажаем вас сице:

Радуйся, истинныя веры исповедницы;

Радуйся, Царствия Божия наследницы.

Радуйся, мучеников похвало;

Радуйся, страстотерпцев славо.

Радуйся, святыя Церкве утверждение;

Радуйся, всего рода христианскаго украшения.

Радуйся, Гурие, Самоне и Авиве, страстотерпцы Христовы и обидимых покровителие.


Кондак 4


Бурею помышлений сумнительных одержимый, нечестивый царь Ликиний воздвиже жестокое гонение на христианы, ты же, страстотерпче Авиве, того не убояся, с твердою верою взывал еси Христу Богу: Аллилуиа.


Икос 4


Слышав царь Ликиний твои подвиги, досточудный Авиве, и твое твердое веры исповедание, разъярися на тя злобою, повеле предати тя смерти лютей яко противника царева, ты же, уведев о сем, добровольно потекл еси на мучение, и с радостию претерпел еси огненное сожжение, сего ради дивящеся великому мужеству твоему, величаем тя сице:

Радуйся, поборниче веры во Христа неустрашимый;

радуйся, воине Христов непобедимый.

Радуйся, повешанный на древе за Распростершаго руце Свои на древе Крестнем;

радуйся, строганный когтьми железными.

Радуйся, утешение подаваяй скорбящим;

радуйся, скорый помощниче всем за истину терпящим.

Радуйся, Гурие, Самоне и Авиве, страстотерпцы Христовы и обидимых покровителие.


Кондак 5


Боготечным звездам на тверди небесней подобнии были есте, святии мученицы, лучами жития своего тьму языческаго нечестия просвещающии и многих на путь истинный наставляющии. Темже благоговейно чтуще память вашу, благодарно поем Богу: Аллилуиа.


Икос 5


Видеша людие града Едесса многие чудеса, бываемыя от раки святых мучеников Гурия, Самона и Авива, зело радовахуся и Господа всем сердцем прославляху, мы же чтуще святую память вашу, святии мученицы, умильно взываем:

Радуйся, неправедно гонимых заступницы;

Радуйся, верных рабов Христовых друзи.

Радуйся, сущих во узах и темницах хранителие;

Радуйся, гонителей и обидящих вразумителие.

Радуйся, плачущих утешителие;

Радуйся, от наглыя и лютыя смерти избавителие.

Радуйся, Гурие, Самоне и Авиве, страстотерпцы Христовы и обидимых покровителие.


Кондак 6


С высота мудрии благодать приемше, за сущих во искушении предстоите, всехвальнии, темже отроковицу, святии, от смерти горькия избависте. Вы бо воистину есте граду Едесу слава и миру радость, сего ради воспеваем ко Господу: Аллилуиа.


Икос 6


Вражия работы избави нас, Иисусе Жизнодавче, Твоих страдалец мольбами умоляем, яко да не порабощенну стяжав от страстей душу и тело, восхваляем тех скорейшую помощь, якоже во гробе затворенную мужем и сию скоро предваривше от смерти избавиша, темже взываем вам сице:

Радуйся, невинную жену от лютыя смерти спасшии;

Радуйся, дивным спасением ея зверства мучителя победившии.

Радуйся, злаго мужа жестокое деяние обличившии;

Радуйся, и того веровати в силу Бога христианскаго научившии.

Радуйся, подателие милости тоя требующим;

Радуйся, стражи неусыпнии почитающих память вашу.

Радуйся, Гурие, Самоне и Авиве, страстотерпцы Христовы и обидимых покровителие.


Кондак 7


Хотяй Человеколюбец Господь явити милость Свою людем Своим, сохрани телеса ваши нетленны, чудеса точащии, от нихже вси вернии токи исцелений получают, зовуще Богу: Аллилуиа.


Икос 7


Новых заступников и дивных чудотворцев ведуще, людие из града Едеса святой храм в память вашу создаша, в немже и мощи ваша положиша,  да вси страждущии помощь в них почерпают, мы же такожде тверду надежду на вас имуще, взываем вам сице:

Радуйся, душевных и телесных недугов наших целителие;

Радуйся, бесов о имени Господни изгонителие.

Радуйся, евангельския истины благодати благовестителие;

Радуйся, Божественныя благодати носителие.

Радуйся, скорби многи за имя Господне приявшии;

Радуйся, дивно во святых Его просиявшии.

Радуйся, Гурие, Самоне и Авиве, страстотерпцы Христовы и обидимых покровителие.


Кондак 8


Странно и страшно неверным слышати, каковы дивные дела от святых мощей ваших совершаются: недузи врачуются, страсти исцеляются, мы же,  тверду надежду на вас имуще, Богу о вас тако благодеющему с верою взываем: Аллилуиа.


Икос 8


Всеми добродетельми исполненнии, за нихже и славою Божиею почтении, внимайте, святии мученицы, молитвам верных, чтущих святую память вашу от нихже слышисте сицевая:

Радуйся, нищии духом, яко ваше есть Царствие Небесное;

Радуйся,  плачущии, яко утешистеся.  

Радуйся, кротцыи, яко наследовасте землю;

Радуйся, алкавшии и жаждавшии правды, яко насытишася.

Радуйся, милостивии, яко стяжали есте помилование;

Радуйся, чистии сердцем, яко уже Бога узресте.

Радуйся, Гурие, Самоне и Авиве, страстотерпцы Христовы и обидимых покровителие.


Кондак 9


Всякия напасти, находящия на град Едес, разоряли есте, святии мученицы, темже и ныне не оставите нас смиренных и грешных, но вся люди страны нашея в Православии и единомыслии утвердите, да вси едиными усты и единым сердцем воскликнем прославившему вас Господу: Аллилуиа.


Икос 9


Ветии многовещаннии яко рыбы безгласнии зрим о вас, святии мученицы; недоумеют бо, како в пустыни духом витали есте и посреде человек неусыпными подвиги подвизастеся. Мы же радующися, яко таковы имамы учители и молитвенники, прославляем вас, глаголюще:

Радуйся, кимвалы Слова Божия;

Радуйся, теплии о нас пред Богом ходатаи.

Радуйся, иудеев и еллинов просветителие;

Радуйся, тридневнаго Божества благовестителие.

Радуйся, кротости и воздержания учителие;

Радуйся, лжи и татьбы обличителие.

Радуйся, Гурие, Самоне и Авиве, страстотерпцы Христовы и обидимых покровителие.


Кондак 10


Спасти хотя люди града Едеса от мысленнаго волка, твердо увещали есте тех стояти во истинней вере, ниже козней вражиих устрашатися, но и в скорбех и напастех за вас благодарити Бога, поюще Ему: Аллилуиа.


Икос 10


Стена тверда и надежнее прибежище есте, святии мученицы, всем к вам прибегающим и скорыя помощи требующим, сего ради во умилении сердца нашего взываем:

Радуйся, всех скорбящих радование;

Радуйся, всех угнетнных и порабощнных прибежище и свобождение.

Радуйся, вдов и сирот заступление;

Радуйся, от ересей и расколов ограждение.

Радуйся, яко вси нечеставии житию вашему удивляются;

Радуйся, яко вси благочестивии о имени вашем веселятся.

Радуйся, Гурие, Самоне и Авиве, страстотерпцы Христовы и обидимых покровителие.


Кондак 11


Пение благодарственное приносяще ко Господу и о нас, теплии заступницы наши, молим вас присно не отступате от нас, грех наших ради, но милосердие от Господа всем испросите, вопиющим Ему: Аллилуиа.


Икос 11


Светозарную троицу святых мучеников восхваляюще, вернии, устранимся распрей и раздоров в жизни сей, убежим несогласий и разделений в православней вере и храняще единение духа в союзе мира, из глубины души воскликнем тако:

Радуйся, громогласныя трубы евангельскаго благовестия;

Радуйся, сладкозвучныя гусли проповеди спасения.

Радуйся, крепцыи правды рачителие;

Радуйся, непоколебимии неправды истребителие.

Радуйся, благочестивым семействам мира и блага подателие;

Радуйся, жестоким и неверным супругом строгие наказателие.

Радуйся, Гурие, Самоне и Авиве, страстотерпцы Христовы и обидимых покровителие.


Кондак 12


Благодать, данную вам от Бога, ведуще, память вашу празднуем, святые мученицы, с усердным молением к вашему честному образу притекающе, вашею твердою помощию, яко необоримою стеною ограждаемся, сего ради восхваляем вас, страстотерпцы Христовы, и усердно зовем Богу: Аллилуиа.


Икос 12


Поюще ваше дивное житие и мученическую кончину, молим вас, страстотерпцы Христовы Гурие, Самоне и Авиве, будете нам во всем благие помощницы, благославите нас миром и любовию, подайте нам твердую веру, чистоту жизни и страх Божий, да вси душевный покой имуще, в радости воскликнем:

Радуйся, яко имена ваша и между неверными прославляются;

Радуйся, покой и отрадо скорбящим.

Радуйся, страх и удивление обидящим;

Радуйся, невинную жену от лютыя смерти спасший.

Радуйся, злаго мужа ея достойно покаравший.

Радуйся, Гурие, Самоне и Авиве, страстотерпцы Христовы и обидимых покровителие.


Кондак 13


Освятии страстотерпцы Христовы Гурие, Самоне и Авиве, примите сие наше хвалебное пение и, услышав усердно желание наше, избавите нас теплым своим к Богу предстательством, от всякаго зла, от вражды и несогласий и всяких лютых бед и болезней, да с любовию вас чтуще, выну зовем Богу: Аллилуиа.

Этот кондак читается трижды


Икос 1


Ангелы во плоти, Троице Святей равночисленнии, любовию к Богу горяще идолы попрасте, веру Христову укреписте, Троицу Святую прослависте, темже убо похваляюще подвиги ваша, глаголем вам сице:

Радуйся, светильники благочестия;

Радуйся, обличителие нечестия.

Радуйся, утверждения веры Христовой;

Радуйся, столпы Церкве Божия.

Радуйся, верных надеждо и заступление;

Радуйся, неверных страх и посрамление.

Радуйся, Гурие, Самоне и Авиве, страстотерпцы Христовы и обидимых покровителие.


Кондак 1


Избраннии чудотворцы Христовы и святыя веры исповедницы, Гурие, Самоне и Авиве добронравнии и, память вашу чтущи песньми похвальными, воспеваем яко христиан заступников, страждущих покровителей. Вы же, имуще дерзновение ко Господу, от всяких бед и напастей свободите нас, верою и любовию зовущих:

Радуйся, Гурие, Самоне и Авиве, страстотерпцы Христовы и обидимых покровителие.


МОЛИТВА


О святии мученицы и исповедницы Христовы Гурие, Самоне и Авиве! Теплии о нас ходатаи и молитвенницы пред Богом, во умилении сердец наших, взирая на пречистый ваш образ, смиренно молим вас: услышите нас, грешных и недостойных рабов своих, сущих в бедах, скорбех и напастех, и призрев наша тяжкая и безчисленная прегрешения, явите нам свою великую милость, воздвигните нас из глубины греховныя, просветите наш ум, смягчите злое и окаянное сердце, прекратите зависть, вражду и раздоры, в нас живущие. Осените нас миром, любовию и страхом Божиим, умолите милосердаго Господа, да покрыет множество грехов наших Своим неизреченным милосердием. Да соблюдет Церковь Свою святую от неверия, ересей и расколов. Да подаст стране нашей мир, благоденствие, земли плодородие; супругом любовь и согласие; чадом послушание; обидимым терпение; обидящим страх Божий; скорбящим благодушие; радующимся воздержание. Всех же нас да покрыет Своею всесильною десницею и да избавит от глада, губительства, труса, потопа, огня, меча, нашествия иноплеменников, и междоусобныя брани, и напрасныя смерти. Да оградит нас ополчением святых Своих Ангелов, во еже избавиться нам по исходе нашем из жития сего от козней лукаваго и тайных воздушных мытарств его и неосужденными предстати Престолу Господа Славы, идеже лицы святых Ангел со всеми святыми выну славят пресвятое и великолепое имя Отца и Сына и Святаго Духа, ныне и присно и во веки веков. Аминь.


Молитвы  >>  Архив молитв   Как действует молитва?   Как правильно молиться?   Словарь церковнославянского языка   Кому и для чего молиться   Молитвы Архангелам на каждый день   Именной указатель святых


Главная  |   Карта сайта  >>   Христианство  >>   Религия Христианство   Молитвы  Иконы и святые   Ангелы    Христианство и ведовство    Литература



Copyright © 2002 Aннa Фoщaй: magi@belmagi.ru, Вебмастер: webmaster@belmagi.ru
Коммерческое использование материалов сайта без согласия авторов запрещено!
При некоммерческом использовании обязательна активная ссылка на сайт (http://www.belmagi.ru/).

  Рейтинг@Mail.ru  Rambler's Top100